القلم والسيف!!

“قصيدة اليوم بلهجتها البدوِية ما فيها صور شعرية  لإنها بتعكس حقيقة مشاعرنا الوطنية”!!
هاتَ القلم والسِيف
واكتب أنا فلسطيني
لا يغُرك منصب لا ضِيف
اكتب واصرخ بدمع عيني
يا حيف عليكم يا عرب يا حيف
راح الوطن واحترق دم شراييني
****
وينك يا بطل وينك صلاح الدين
وينك قائدنا وينك ابو عمار
اخذوا غزتنا داسوا ارض فلسطين
صار سيفنا كلمتنا وسلاحنا اشعار
اصحى يا شهيد واصرخ يا سجين
دم الوطن صار بقلوبنا إعصار
****
أبطالنا أهل الهمم
أسرانا يا اسود
خلنا نعانق هالأرض يا أمم
إحنا وِحدة ما نخاف قيود
نرفع رايتنا وأصدق علم
نكسر جدار ونهد حدود
****
زعماء العرب يا خيبة أملنا
أشكي ظُلمكم لرب الكون
ختمتوا وراق وبعتوا وطنا
لأمريكي وصهيوني وخاين ملعون
احنا أهل العزة وهالأرض النا
نزرع حب الوطن ونقطف زيتون
****
رسالتي انتهت يا هلي وناسي
خلنا ندافع عن شرفنا بهمة وجهاد
باعونا وحبوا الكراسي
الزمن زمنا وين همتكم يا امجاد
وطنا فلسطين أذكرك يلي ناسي
وذكر فيها ولاد والاحفاد